Ekspertët kanë paralajmëruar se vendet e Gjirit do të mbeten pa mbrojtje ajrore brenda një jave pas sulmeve intensive me raketa nga Irani. Teherani nisi sulme të gjera në të gjithë Lindjen e Mesme, duke lëshuar qindra raketa balistike dhe dronë kamikazë pasi u sulmua nga SHBA-të dhe Izraeli. Shumë nga sulmet janë zbrapsur, me vendet e Gjirit që përdorin sisteme ajrore të sofistikuara të prodhuara në SHBA për të mbrojtur qytetet e tyre nga bombardimet iraniane, por kjo po con në një presion të madh mbi rezervat e kushtueshme të municioneve në Katar, Kuvajt dhe Bahrein. Besohet se Irani ende ka rezerva të mëdha raketash pavarësisht përpjekjeve të forcave amerikane dhe izraelite për të shkatërruar lëshuesit e aftë për t'i lëshuar ato. Nëse Teherani vazhdon të sulmojë me të njëjtat ritme shtetet e Gjirit do të kenë vështirësi t'i zmbrapsin raketat e tij. Fabian Hoffmann, një ekspert raketash në Universitetin e Oslos, i tha Ëall Street Journal: “Intensiteti i përdorimit të interceptorëve që kemi parë gjatë dy ditëve të fundit nuk mund të vazhdojë për më shumë se një javë tjetër, ndoshta disa ditë më së shumti, dhe pastaj ata do të ndiejnë dhimbjen e mungesës së interceptorëve.”