Prokuroria e Posaçme kundër Korrupsionit dhe Krimit të Organizuar i kërkoi Komisionit Qendror të Zgjedhjeve një kopje të formularit të vetëdeklarimit për Ilir Metën, që sipas ligjit e ka plotësuar në kuadër të ligjit të miratuar “Për garantimin e integritetit të personave që zgjidhen, emërohen, ose ushtrojnë funskione publike”. Kërkesa e SPAK-ut vjen në kuadër të nisjes së hetimeve për skandalin e lobimit të Lëvizjes socialiste për integrim me 1.2 milionë USD të padeklaruara, të hedhura për lobim në SHBA. Në 16 maj, gazeta e madhe austriake, "Kronen Zeitung" hapi faqen e parë ku akuzoi se presidenti Ilir Meta pagoi 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inagurimit të Presidentit Amerikan Donald Trump. Sipas dokumenteve gjyqësore amerikane, 700,000 dollarë kanë kaluar përmes kompanisë offshore Dorelita Limited. Dokumentet që ka depozituar Valteri në SPAK kanë të bëjnë me kontrata të lidhura mes LSI dhe kompanive lobuese në Shtetet e Bashkuara të Amerikës, nëpërmjet të cilave janë disinformuar qytetarët shqiptarë për përkrahje të amerikanëve ndaj Metës, e madje financimet janë bërë nga kompani Offshore në Qipro.