Ndërsa thirrjet e ambasadorëve drejtuar qytetarëve që të mos sheshin votën, nuk kanë reshtur gjatë këtyre ditëve, emisioni breaking në Top Neës faktoi me zë dhe më figurë sesi kandidai i LSI në Tiranë Etion Joka ishte në Pazar të hapur për të siguruar votat e qytetarëve ditën e zgjedhjeve. Kandidati i LSI-së që renditet i 12 në listë shfaqet duke dhënë para në video në shumën 100 mijë lekëve të vjetra.Ai me para në dorë kërkonte votën duke premtuar vende pune, nëse LSI dhe PD të marrin pushtetin. Në një video tjetër shfaqet, Edison Babo, një prej njerëzve të shtabit të kandidatit Etion Joka, ku ai është gjithashtu duke bërë pazar për blerje votash me 100 mijë apo 50 mijë lekë të vjetra, me një tjetër qytetar dhe përmend edhe kryetaren e LSI-së “Më tha Monika ke taku diamant. Jam diamant. Ik fol me Moniken. Se do t’i mbushi ajo Monika veçse se ka thënë po. I mbushi kto tha. Se Xuri ia mer kalamajt nuk i sheh më Monika. Me mua nuk kalojnë ato shok. Mori bodigardin e Berishës në tel, Ermalin. Mali si je. Ai o Xurro ku je mo, do të ndihmojë vëllai. I thotë Xurri sa më premto? Njëmijë i thotë. Thua Doktorit ka thënë Xurri njëmijë po në të gjithë Shqipërinë.Gëzim i madh, andej nga treshi bëhet nami , për 5 min të marrësh 60 mijë lekë, i kap i fut në makinë të votojnë”, thotë Babo. Pas publikimit të videove ekskluzive ne top neës ku shfaqet kandiadfti i lsi duke blerë vota , mësohet se policia e shtetit ka nisur hetimet për të hedhur dritë mbi ngjarjen.