Krimi kibernetik në Shqipëri po merr përmasa alarmante. Hakerat kanë shkuar një hap më tej duke publikuar online jo vetëm certifikata martesore apo pasaportat e qytetarëve shqiptare por edhe informacione shtetërore të përfituara përmes hakerimit të email-eve të zyrtarëve të lartë. Gjithë informacioni është publikuar në websiten e quajtur “homelandjustice.ru” që në shqip do të ishte ‘drejtësi për ardheun”, ndërkohë që domain i përdorur ‘.ru’, përgjithësisht përfaqëson Rusinë, megjithatë nuk përjashtohet mundësia që të jetë i manipuluar. Slogani i këtij website është: “ Liria duhet të ecë paralelisht me drejtësinë; Njëra pa tjetrën do të ishte e pakuptimtë.” Në duart e hakerave kanë rënë të gjitha email-et e zyrtarëve të lartë të shtetit, duke filluar nga ministria e shëndetësisë, QSUT, Avokati i Popullit, IKMT apo edhe ministria e infrastrukturës. E gjithë databaza e siguruar nga hakerat është publikuar nëpërmjet një video në website-in, homelandjustice. Ndër dokumentet e publikuara bie në sy një kontratë pune për emërimin në detyrë të inspektorit në sektorin e monitorimit dhe anazizës së riskut, si dhe një dokument me firmën dhe vulën e sekretarit të përgjithshëm të këshillit të ministrave, Engjëll Agaçi për një mision në Turqi në gusht të vitit 2021 apo edhe certifikata martesore dhe cerfikatat e vaksinimit.