Një hetim I kryer nga Shërbimi i të kontrollit të brendshëm të Burgjeve ka nxjerrë në pah një skandal të përmasave të mëdha. Ky hetim zbulon se një numër I madh policisësh të cilët më prë kanë qenë të dënuar për krime të ndryshme nga drejtësia shqiptare, janë ende në krye të detyrës në disa burgje të vendit. Në fakt kjo cështje u zbulua 3 vite më parë nga drejtoria e përgjitshme e burgjeve, ku thuhej se rreth 153 punonjës të burgjeve kishin precedent të mëparshëm penal, mirëpo pa cituar se për cfarë krimesh apo veprimtarish kriminale bëhej fjalë. Në atë kohë nisi në një farë mënyrë pastrimi I gardianëve nga qelitë. Mirëpo, burime për top channel bëjnë me dije se 33 punonjës policie nuk u larguan për asnjë moment nga detyra, ndërsa 44 të tjerë nuk u shkarkuan , por u liruan në mënyrë të tillë që ata të përfitonin nga sigurimet shoqërore. Nga të dhënat bëhet me dije se këta 33 punonjës policie të cilët më parë kanë qenë të dënaur për vepra të ndryshme penale, janë në krye të detyrës në Drenovë, Peqin, Krujë dhe Lezhë . Shërbimi i kontrollit të brendshëm të Burgjeve jo zyrtarisht është shprehur për top channel se në dy raste oficerët e policisë u larguan nga detyra mbasi emrat e tyre rezultonin të dënuar të formës së prerë , megjithatë mbas dy muajsh u ripranuan sërish duke u paguar me shpërblim të menjëhershëm në masën e dy pagave. Në raste SHKKB ka zbuluar se titullarët e burgjeve nuk firmosën përjashtimin për dy policë që gjithashtu ishin të dënuar të formës së prerë në momentin e pranimit si oficerë dhe se ata u mbajtën në detyrë deri sa dolën në pension duke përfituar nga pensioni suplementa. Sipas SHKKB, dëmi që I është shkaktuar shteti shqiptar për këtë cështje llogaritet të kapë vlerën 73 milion lekë. Verifikimi i gjendjes gjyqësore të policisë së burgjeve nisi në vitin 2017 dhe u mbyll në 2018. Mbas zbulimit u ngrit një komision aktualisht nën hetim, që duhet të komunikonte policëve për vendimet gjyqësore , por teksa disa prej tyre qëndruan në detyrë, edhe për ata që u shkarkuan, u përdor protokoll ekstra duke u liruar me pagesë kalimtare.