Policia e Beratit ka parandaluar një tentativë vrasjes, teksa në kërkim janë shpallur 3 persona. Ata janë me inicialet H. B., 55 vjeç, banues në Kosovë; A. Sh., 30 vjeç, banues në Korçë; dhe E. G., 43 vjeç, banues në Tiranë. Pas marrjes së informacionit në rrugë operative për një vrasje që do të kryhej në Berat, Policia ka ngritur pika kontrolli me shërbime grackë, në disa rrugë dhe fshatra ku dyshohej se mund të kryhej kjo ngjarje kriminale. Shtetasit që kishin planifikuar këtë atentat, në pamundësi për të realizuar qëllimin e tyre, të gjendur nën presionin e Policisë, kanë fshehur automjetin brenda të cilit kishin mjetet për kryerjen e krimit, dhe duke përfituar nga errësira janë larguar në zona të pyllëzuara.