Kryeministri i Qipros veriore, Ersan Saner mbështeti kërkesën e liderit turko-qipriot, Ersin Tatar, që zgjidhja e vetme për ishullin do të ishte ajo e dy shteteve, cka do të sillte praktikisht njohjen ndërkombëtare të territorit të pushtuar nga Turqia në 1974-tën. Qeveria greko-qipriote dhe Athina zyrtare nuk duan zgjidhjen e mosmarrëvëshjeve; ajo që synojnë ësëhtë një federatë e cila të përjashtonte mundësitë dhe të drejtat e barabarta, tha Saner, sipas të cilët pala greke nuk ka aspak ndërmend ta zgjidhë cështjen e Qipros me një marrëveshje të pranueshme. Kryeministri grek, Kyriakos Mitsotakis deklaroi hapur dy ditë më parë se zgjidhja me dy shtete nuk pranohet jo vetëm nga Athina dhe Nikosia, por as nga BE-ja e komuniteti ndërkombëtar. “ Ëndrra e tyre është ta shkëpusin Turqinë nga pjesa veriore e Qipros dhe turko-qipriotët, dhe ne të na kthejnë në një rrip toke me të drejta pakicash në një republikë të supozuar të Qipros, e cila po kthehet në një shtet grek dhe ta marrë hegjemoninë ishullit, duke e vendosur nën interesat e kombit grek, sqaroi kryeministri. Duke iu referuar deklaratës së Mitsotaqisit, Saner theksoi se nëse ka një palë pushtuese në këtë mes, ajo është pala greke e cila na largoi nga Republika e Qipros me forcën e armëve tha ai, e tani pretendon të kemi shtetin tonë të përbashkët. Pamjet: AFP