Tirana zyrtare ka hedhur poshtë kategorikisht pretendimet e ministrit të Jashtëm rus, Sergej Lavrov për një prani mercenarësh shqiptarë në rajonin e Donbas-it, në Ukrainën Lindore. Përmes një reagim zyrtar, Ministria për Evropën dhe Punët e Jashtme e Shqipërisë bën me dije se ka thirrur në shenjë proteste ambasadorin rus në Tiranë, Mihail Afanasiev, ku i ka kërkuar që të përgënjeshtrojë lajmin. Në një intervistë për televizionin Russia Today, Lavrov deklaroi se “ ka informacione që sugjerojnë se mercenarë nga Kosova, Shqipëria dhe Bosnja po rekrutohen për tu dërguar në zonën e Donbass”. Ndërkohë, në një analizë të sajën media gjermane DW, flet për qëndrimin unanim të vendeve të NATO-s në mbështetje të ”pavarësisë, sovranitetit dhe integritetit territorial të Ukrainës brenda kufijve të saj të njohur ndërkombëtarisht”.