Të gjitha rajonet në botë raportuan këtë javë një rënie të rasteve me Covid-19, përveç Europës, ku numri i infektuarve javën e kaluar ishte pak më i lartë se dy javë më pare. Sipas vlerësimit të fundit të OBSH -së, javën e fundit u shënua një rënëie prej 9% e rasteve të reja të infeksionit krahasuar dy javë më parë. Por në Europë situata paraqitet ndryshe. Edhe pse më shumë se 75% e të rriturve në Bashkimin Evropian janë vaksinuar plotësisht, problemi është se të miturit po infektohen gjithnjë e më shumë. Gjatë verës, shumë vende evropiane lehtësuan masat kundër përhapjes së koronavirusit dhe hapën kufijtë, duke çuar në përhapjen e shtameve të reja të koronavirusit si delta. Tani disa vende evropiane po vendosin rekorde të reja të rasteve me Covid-19.