Në ditën e 17 të grevës së urisë, naftetaret kane vijuar protesten e tyre ne pritje te nje pergjigje per kerkesat e ngritura. E ne mungese te saj, naftëtarët mes tensionesh e perplasje fizike, kanë shqyer me forcë derën e rafinerisë, duke çarë kordonin e policisë private dhe janë futur në ambientet e rafinerisë. Kjo situate, për kreun e Sindikatës, Sokol Dautaj, eshte tallje, kur aty pasi nuk ka asnjë punonjës të administratës dhe pronari i kompanisë "Allum" ka ikur. "Këta kanë marrë një urdhër, për të mos i nxjerrë zbuluar, këtu nuk ka privat. Kjo nuk është një protestë e dhunshme, ne jemi këtu për t'u treguar shumë qartë që ky ka qenë një shoë i radhës, nuk ka pronar. Tani nuk ka asnjë zyrë, dera është kycur, prej një viti ka heshtje, ai që thotë jam pronar, ne kemi dëgjuar që ka iku "Allun". Kjo i nxjerr zbuluar që këtu nuk ka. Nuk e mbajnë dot këta rafinerinë" Naftëtarët edhe sot kane theksuar se nuk do të tërhiqen nga kërkesat e tyre për marrjen e rrogave të prapambetura dhe rifillimin e punës.