Mbyllja e hetimeve nga Prokuroria e Posaçme për ish presidentin Ilir Meta, ka shtyrë menjëherë këtë të fundit të kërkoi ndryshim mase sigurie. I ndodhur prej 10 muajsh në masën “arrest në burg”, Ilir Meta i dyshuar nga organi i akuzes për kryerjen e tre veprave penale kërkon masë më të butë me argumentin se ai nuk përbën rrezik të prishë provat e prokurorisë apo të intimidojë dëshmitarët, tanimë që dosja prej 60 mijë faqe është mbyllur nga treshja e prokurorëve, Altin Dumani, Arben Kraja dhe Sotir Kllapi. Në dokumentin që mbrojtësi i tii ligjor, Kujtim Cakrani ka depozituar në sekretarinë e gjykatës, rënditet si argument fakti që Ilir Meta është politikan aktiv, pasi është president i Partisë së Lirisë. Tjetër argument që mbrojtja përdor për zbutje të masës, është edhe vendimi i Gjykatës së Strasburgut për rastin “Gëllçi”, rast i cili shihet si shuplakë ndaj drejtësisë nga avokati i Ilir Metës. Prokuroria e Posaçme dyshon që Meta ka kryer veprën penale “korrupsion pasiv”, “pastrim parash”, “falsifikimi i vulave dhe stampave”. Të njëjtët akuza janë ngritur edhe për ish bashkëshorten e tij Monika Kryemadhi. Ndërsa bashkëpunëtorët e tyre Ema Çoku dhe Piro Xhixho u hetuan për pastrim parash dhe korrupsion pasiv.