Serinë e denoncimeve të 11 majit, që e konsideron një farsë elektorale, Sali Berisha e ndali te bonusi i shpërndarë para këtyre zgjedhejve për pensionitët. Farsa elektorale 11 maj 2025 kishte aspektet më çnjerëzore, më cinike. Edi Rama përdori dhuratën 100 euro për pensionistë, për 760 mijë pensionistë, për të ndikuar për votën në një kohë kur unë kam sjellë këtu një statistikë të Eurostatit. Dhe kjo statistikë e Eurostatit tregon se pensionistët shqiptarë në të gjithë Europën janë ata që paguhen më pak se të gjithë të tjerët. Janë ata, të cilët në vlerë nominale mujore paguhen 50 përqind më pak se sa vendi i parafundit, se sa Turqia. Kurse në fuqi blerëse të monedhës, ata janë pothuajse tre herë nën Turqinë. Janë rreth dy herë nën Bosnjen dhe janë mbi dy herë gjer në 6.5 herë nën pensionistët e tjerë. Për këtë Berisha tha se ai dhe PD do të bëjnë gjithçka për mobilizimin e shqiptarëve kundër kësaj farse, dhe të qëndrojnë për votën e tyre si brenda vendit dhe në diasporë.