Në Indonezi, një shurup për kollën është në qendër të një aksioni ligjor të nisur kundër qeverisë e cila ka autorizuar nxjerrjen në treg të produktit që ka shkaktuar një varg viktimash, mbi të gjitha fëmijë. Autoritetet akuzohen se kanë autorizuar shpërndarjen e ilacit, që më pas u tërhoq nga raftet, që sipas akuzuesve ka shkaktuar vdekjen e të paktën 199 personave. Në tetor, ishte lëshuar alarmi nga organizata botërore e shëndetësisë për një rast të ngjashëm në Gambia. Aksioni ligjor ka si të paditur ministrinë e shëndetësisë, agjencinë kombëtare të ilaceve dhe ushqimit dhe shtatë kompani të përfshira në prodhim dhe komercializimin e produktit në Indonezi. Shurupi, sipas akuzës, përmbane sasi të ekzagjeruara të dy përbërësve të përdorur në produktet industriale si substanca të lëngshme anti ngrirje. Përmes padisë ligjore të paraqitur zyrtarisht më 18 nëntor, familjet kërkojnë dëmshpërblim prej 127 mijë dollarësh për cdo viktimë dhe nga thuajse 64 mijë dollarë për cdo person që ka pësuar pasoja jo vdekjeprurëse. Rasti u vendos në vëmendjen e shtypit ndërkombëtar pasi në tetor u regjistruan 70 viktima në Gambia. Pas këtij rasti Organizata botërore e shëndetësisë lëshoi një alarm global për katër shurupe të cilët dyshohet se kanë qenë të kontaminuar.