Bashkimi evropian ka vendosur të imponojë një karikues universal për smartfonët, duke ndezur kështu një përplasje me Apple dhe iPhonët e tij të shumë përdorur. Komisioni evropian beson se një kabull standart për të gjithë aparatet do të reduktojë mbetjet elektronike por Apple argumenton se karikuesit unik do të ngadalësonin inovacionin e do të krijonin akoma më shumë ndotje. Blloku evropian mban 450 milionë banorë dhe disa nga konsumatorët më të pasur në botë, dhe imponimi i një karikuesi standart, do të prekte të gjithë tregun global të smartfonëve.