Edhe Gjermania, franca dhe Italia ju bashkuan vendeve që vendosën të pezullojnë vaksinimin me vaksinat e firmës AstraZeneca. Një zëdhënës i Ministrisë së shëndetësisë në gjermani tha se ky hap u parapri nga një rekomandim i Institutit Paul Ehrlich (PEI) në pritje që Agjencia Evropiane e Barnave (EMA) të vendosë lidhur me përdorimin e mëtejshëm të vaksinës. Franca dhe Italia më pas iu bashkuan gjermanisë duke u bërë vendet më të fundit që e pezullojnë përdorimin e vaksinës së astrazeneca-s si masë parandaluese. Presidenti Francez Emmanuel Macron tha se vendi do të ndalte administrimin e vaksinës në pritje të vlerësimit të EMA-s, të martën. Ndërsa autoriteti i ilaceve në itali ndaloi përdorimin e vaksinës në të gjithë vendin. Vendimet vijnë pavarësisht garancive nga rregullatori britanik i ilaceve dhe Organizata Botërore e shëndetësisë që kanë thënë se nuk ka prova për një lidhje mes vaksinës dhe mpiksjeve të gjakut. Një prokuror në italinë veriore sidoqoftë urdhëroi konfiskimin e rreth 400 mijë dozave të vaksinës së astrazeneca-s pas vdekjes së një burri që e mori atë. Prokurori në rajonin e Piemontes hapi një hetim kriminal në lidhje me vdekjen e Sandro Tognattit, një mësues muzike 57 vjecar. Vdekja e tij coi në pezullimin e përdorimit të vaksinës në rajon të dielën. Konfiskimi i dozave është një hap prapa për programin e vaksinimit të Italisë që është vonuar për shkak të furnizimeve të mangëta në evropë. Një konfiskim i ngjashëm u urdhërua edhe në sicili, javën e shkuar pas vdekjes së dy personave atje, pak kohë pas vaksinimit. Por qeveria italiane tha se nuk kishte prova për një lidhje mes vdekjeve dhe vaksinës. Vende të tjera që e kanë pezulluar vaksinimin me astrazeneca-n janë edhe danimarka, norvegjia, islanda, Bullgaria, Irlanda dhe të dielën në mbrëmje edhe Holanda. Austria, Estonia, Letonia, Lituania dhe Luksemburgu, pezulluan përdorimin e një serie të vaksinës e po ashtu edhe Rumania. Kompania britaniko-suedeze AstraZeneca e mbrojti vaksinën e saj dhe theksoi se analiza e më shumë se dhjetë milion rasteve nuk kishte treguar "asnjë dëshmi për rrezik në rritje të embolisë pulmonare ose të trombozës". Bashkëzhvilluesi i vaksinës, Andreë Pollard, drejtues i Grupit të Vaksinave të Oksfordit, tha të hënën se në Britaninë e Madhe, ku kjo vaksinë është përdorur deri tani më shumë në Evropë, ajo nuk ka shkaktuar numër të shtuar problemesh me mpiksjen e gjakut .