Nisur nga situata pandemike e krijuar nga koronavirusi dhe domosdoshmëria për ruajtjen e masave kufizuese antiCovid, Greqia ka vendosuar ta shtyjë afatin e bllokimit të pikës kufijtare në Kapshticë për të gjithë peronat që duan të shkojnë në vendin fqinj. Autoritetet e Policisë Greke kanë njoftuar palën shqiptare për shtyrjen a afatit të bllokimit të Pikës së kalimit kufijtar në Kapshticë deri ne datën 26 prill. Deri në këtë datë dalja nga Shqipëria dhe kalimi i kufirit drejt shtetit fqinj, Greqise vijon të mbetet mbyllur. Ndërkohë dalja nga Greqia dhe hyrja drejt Shqipërisë do të jetë e lejuar nga ora 06:00 deri në orën 22:00. Ky vendim është i vlefshëm për të gjithë shtetasit dhe kategoritë e mjeteve. Kujtojmë që Greqia, për të bërë të mundur edhe zhvilimin e turizmit në këtë sezon turistik ka vendosur të hapë kufijtë me vendet e Bashkimit Europian. Zv/ministrja e Turizmit, Sofia Zacharaki u shpreh më parë se nga 14 maji, turistët nga Bashkimi Europian do të kenë mundësi të kalojnë pushimet në Greqi pa karantinë, me kushtin e vetëm që të jenë të vaksinuar ose një test negativ PCR.