Kryeministri i Kroacisë Andrej Plenkovic deklaroi në selinë e NATO-s në Bruksel se vend i tij, gjate javeve ne vijim do të rrisë numrin e pjesëtarëve tëvet në misionin e KFOR-it në Kosovë. Ai e ka bërë këtë njoftim në një konferencë për media pas takimit me Sekretarin e Përgjithshëm të NATO-s, Jens Stoltenberg. Shefi i NATO-s e ka falënderuar Kroacinë, duke e quajtur “anëtare të rëndësishme të aleancës” për kontributin që ka dhënë gjatë këtyre viteve për forcimin e sigurisë së përbashkët, përballjen me kërcënimet e sigurisë dhe për misionet e NATO-s nga Afganistani deri në Kosovë. Plenkovic tha se Kroacia është e nderuar të jetë anëtare e NATO-s dhe të mund të japë kontribut.“Ju përmendet Kosovën dhe praninë tonë. Në javët që vijnë do të rrisim praninë tonë në Kosovë”, u shpreh ai. Edhe shefi i NATO-s dhe kryeministri kroat kanë thënë se lidhjet e forta transatlantike janë me rëndësi jetike për NATO-n. Ata madje kanë paralajmëruar se këto lidhje do të forcohen këtë vit kur edhe do të zhvillohet një samit i aleances Bruksel.Kroacia e perfundoi vitin e shkuar pjesëmarrjen e ushtarëve të saj në misionin e NATO-s në Afganistan e qw prej atwherw, ka vendosur të shqyrtojë mundësinë e rritjes së kontributit të saj në misionin e KFOR-it. Sipas të dhënave të fundit të NATO-s Kroacia ka aktualisht 37 pjesëtarë në misionin e KFOR-it nga rreth 3.500 pjesëtarë sa janë në këtë mision ushtarak.