Një shqiptar ka humbur jetën tragjikisht në Britaninë e Madhe, pasi shtëpia e barit ku ai punonte u përfshi nga flakët e zjarrit. Lajmi i hidhur u bë me dije nga mediat e huaja, ku thuhet se shqiptari u bllokua në banesë, ndërsa ndërroi jetë. Bëhet fjalë për shqiptarin Ermal Qose, I cili u gjet nga zjarrëfikësit natën e ndërrimit të viteve në zonën e Clapton, në Lindjen e Londrës. Daily Mail shkruan se policia ka ngritur dyshime në lidhje me vdekjen e shqiptarit, ku ende nuk dihet sesi zjarri përfshiu banesën. Policia britanike ka ngritur dyshime për ndonjë vrasje të mundshme, ndërsa ka marrë disa persona në pyetje, të cilët mund të kenë lidhje me këtë ngjarje. Kryeinspektori i Policisë Metropolitane, Mark Rogers tha: Ermali humbi jetën tragjikisht duke qenë i bllokuar brenda shtëpisë së mbyllur që përdorej për kultivimin e kanabisit kur shpërtheu zjarri. Megjithatë nuk përjashtoi faktin që Qose edhe mund të ishte vrarë.