Dalin detaje të reja nga ndalimi i shqiptarit në Portin e Barit, që vinte me një sasi të konsiderueshme parash nga Anglia. Shtetasi shqiptar, emri i të cilit nuk bëhet i ditur u kap me 225 mijë e 350 paund nga policia italiane në Bari, para të cilat kishin destinacion Shqipërinë. Mediat italiane kanë publikuar pamjet e Guardia Di Finanza të Barit, nga sasia e parave të padeklaruara që u kap në një furgon me targa angleze dhe që ishte nisur drejt vendit tonë. Paratë ishin të ndara dhe të paketuara me mbështjellëse plastike dhe ishin fshehur në pjesë të ndryshme të furgonit. Madje për ti nxjerrë ato u desh ndërhyrja e një mekaniku të specializuar, sikurse duket edhe në videon e Guardia di Finanza të Barit. Emri i drejtuesit të furgonit që i ishte drejtuar Shqipërisë nuk bëhet i ditur, por mësohet se policia e ka gjobitur me gjysmën e shumës së parave të sekuestruara.