Policia italiane ka shkatërruar një grup krimianl të trafikut të drogës, ku të përfshirë ishin një grup shqiptarësh dhe disa italianë. Agjentët e Policisë së Shtetit italian, të koordinuar nga Drejtoria e Qarkut Antimafia e Prokurorisë Publike të Breshias, arrestuan 20 persona, 15 prej të cilëve u shoqëruan në komisariat për tu marrë në pyetje lidhur me këtë aktivitet kriminaldhe 5 të tjerë u lanë në arrest shtëpiak, derisa hetimet të përfundojnë. Polciia italiane shprehet se shqiptarët dhe italianët akuzohen për shoqërim kriminal me qëllim trafikimin dhe tregtimin e substancave narkotike, si dhe për përdorim të armëve të zjarrit. Operacioni i kryer nga agjentët e Seksionit Antidrogë të Skuadrës së Milanos, kishte nisur në shtator 2019 kur, pas një kanali të mundshëm furnizimi me drogë në dyqanin Pioltello (Milano), policët gjurmuan njerëz me origjinë shqiptarë, që banojnë në disa komuna të zonës së ulët të Bergamos.