Shtetasit shqiptarë që shkojnë në Gjermani duhet të testohen për koronavirus. Detyrimi si për ta, ashtu dhe për të mbërriturit nga Kosova, Serbia, Turqia, SHBA, e cdo vende tjetër në listën e 130 shteteve të konsideruara si zona rreziku, hyn në fuqi javën e ardhshme. Ministri gjerman i Shëndetësisë, Jens Spahn e refuzoi një detyrim për testim për të gjithë të kthyerit nga pushimet. Testi i koronës është "një ndërhyrje në personalitet" dhe duhet të justifikohet, deklaroi politikani i CDU-së në disa intervista televizive. Por nga ana tjetër rezultatet e testeve vullnetare në aeroportin e Frankfurtit tregojnë, se 80% e të testuarve pozitivisht me koronavirus nuk kanë ardhur nga zonat e rrezikut. Pavarësisht kësaj, për të kthyerit nga zonat të tilla që tani ekziston një detyrim 14 ditor karantine, përjashto këtu ata kanë një test negativ të Coronës. Se cili vend kategorizohet si zonë rreziku e vendosin disa ministri federale: ajo e Shëndetësisë, e Jashtme dhe e Punëve të Brendshme. Kriteri më i rëndësishëm është numri i të infektuarve të rinj brenda shtatë ditëve të fundit: Nëse ky numër kalon 50 vetë në 100.000 banorë, atëherë vendi shpallet zonë rreziku.Si kryhet konkretisht testimi, kjo është kompetencë e landeve. Që tani ka qendra testimi në aeroportet e Frankfurtit, Kölnit, Dortmundit e Mynihut, ndërsa Berlini pritet së shpejti të ketë një qendër të tillë.