Ekzekutimet e shqiptarëve në Ekuador janë shtuar së tepërmi. Ergys Dashi nga Durrësi nuk është i pari shqiptar. Përpara tij ka qenë Adriatik Tresa. 45 vjeçari Tresa nga Tirana ka pasur një të shkuar kriminale dhe autorët, sipas hetimeve dyshohet se janë mafiozë që kërkojnë kontrollin mbi territoret e kokainës. Ndonëse jetonte në një vilë dhe kishte roje, Adriatik Tresa u ekzekutua në mënyrë mafioze, pasi jo pak, por plot 7 persona u futën në shtëpinë e tij të maskuar si policë, me pretendimin se kishin urdhër kontrolli nga gjykata. Më parë në këtë shtet janë vrarë edhe shqiptarë të tjerë, për të cilët thuhet se kanë qenë të implikuar në trafikun e drogës, kryesisht të kokainës. Origjina e saj niste nga Ekuadori dhe përfundonte në disa vende të Evropës. Në vitin 2017 u vra Ilir Hidri nga Vlora, një vit më vonë u ekzekutua Adriatik Llagji nga Borshi dhe Fadil Kaçaniq. Po në vitin 2018 një tjetër shqiptar që lëvizte me makinë të blinduar iu bë atentat po në qytetin e Guayaquil.