Top News – Shqipëria, pret e përcjell turistë…!/ Mbi 876 mijë mbërritën vetëm gjatë muajit Qershor

Qershori shënoi një muaj të artë për turizmin shqiptar. Statistikat e INSTAT tregojnë se Shqipëria po vizitohet nga turistët e huaj më shumë se një vit më parë. Gjatë këtij muaji mbi 876 mijë turistë të huaj kanë hyrë në vendin tonë ose 45 për qind më shumë se në të njëjtën periudhë të vitit të shkuar. Këto shifra duket se po lënë pas vitin 2019, që shënon pikun e turizmit shqiptar para pandemisë, me një rritje prej gati 40 për qind të turistëve të huaj.