12 persona kanë rënë në prangat e policisë, pasi dyshohen se janë autorë të disa vatrave zjarri në vend, nga ku janë shkrumbuar hektarë të tërë me bimës, pemë, ullishte e kullota, duke mos kursyer as kisha e shtëpi. Policia i akuzon të arrestuarit për zjarrvënie të qëllimshme, apo zjarr të shkaktuar nga pakujdesi. Strukturat e Policisë së Shtetit, krahas angazhimit në terren në bashkëpunim me shërbimet zjarrfikëse, Policia në një njoftim për mediet bën me dije se gjatë 72 orëve të fundit janë identifikuar, kapur, arrestuar apo proceduar penalisht 12 shtetas të dyshuar si autorë të zjarrvënieve në disa qarqe të vendit, konkretisht: Tiranë, Durrës, Fier, Vlorë, Sarandë, Gjirokastër, Kurbin, Dibër, Shkodër, Poliçan e Belsh. Nga ana tjetër, policia bën me dije se me urdhër të kryepolicit Ilir Proda janë kaluar në gatishmëri të gjitha strukturat vendore, me porosi të qarta për intensifikimin e masave parandaluese, hetimore dhe ndëshkimore ndaj çdo rasti zjarrvënieje, të qëllimshme apo të shkaktuar nga pakujdesia.