Pamjet filmike nga kanali I Suezit tregojnë sesi pjesa e pasme e anijes gjigande të mallrave, Ever Given, të bllokuar prej thuajse një jave, është zhbllokuar dhe është larguar nga njëri breg. Nuk dihet ende me siguri nga ana tjetër nëse pjesa e përparme po clirohet nga pozicioni fillestar ku kishte ngecur. 10 rimorkiatorë kanë punuar pa reshtur për ta tërhequr Ever Given me shpresën t`I japing fund bllokimit të saj dhe njërës prej rrugëve më të rëndësishme detare për tregtinë globale. Ekipe nga Egjipti dhe pjesë të tjera të botës kanë punuar pa reshtur që anija të drejtohej e t`I rikthehej lundrimit, por përpjekjet e mëparshme kishin dështuar. Kjo e fundit sakaq, u krye gjatë baticës kur uji në kanal mbërrin nivelin e vet më të lartë, cka ndihmoi që anija të lëvizte. Ever given, 224 mijë tonë është pothuajse e gjatë sa Empire State Building. 27 mijë metra kub rërë janë hequr deri tani në përpjekjet për lirimin e saj. Edhe pse nuk ndihmoi shumë në lëvizjen e anijes, kjo bëri që të cliroheshin helikat e bllokuara pas hasjes në cektinë. Për këtë episode do të ketë një hetim, pasi ekspertët tani thotë që erërat e forta në zonë dhe stuhia e rërës nuk janë të mjatueshme për të ndryshuar kaq fort kursin e një gjigandi të tillë, por dyshohet edhe për ndonjë problem teknik apo gabim njerëzor. Mësohet se kanali I Suezit po humbet 14 milionë dollarë në ditë nga tarifat e tranzitit, ndërsa miliarda dollare mallra janë bllokuar në më shumë se 350 anije që presin të kalojnë.