Ekipet e shpëtimit në Itali, kanë mundur të gjejnë edhe trupat e dy punëtorëve të fundit që rezultonin ende të zhdukur, pas shpërtgimit në një hidrocentral afër Bolonjës tre ditë më parë. Lajmi është konfirmuar të premten nga një zëdhënës i brigadës së zjarrfikësve, dhe kështu, numri përfundimtar i viktimave shkon në shtatë. Të martën, një zjarr që shpërtheu në një transformator dhe shpërthimi që pasoi tronditën impiantin në brigjet e liqenit artificial Suviana, në pronësi të Enel Green Poëer, një njësi e grupit të shërbimeve Enel. Shpërthimi ka shtuar shqetësimet e sindikatave për sigurinë në vendin e punës në Itali, pasi mbi 1000 persona humbën jetën në punë, vitin e kaluar, sipas një raporti nga autoriteti kombëtar i kompensimit të punëtorëve të vendit INAIL. Zhytësit gjetën trupat e pajetë mes rrënojave në një sallë turbinash rreth nëntë nivele ose 40 metra nën sipërfaqen e liqenit. Përpjekjet e shpëtimit u ndërprenë mëngjesin e të premtes pasi u gjetën trupat e fundit, shtoi zëdhënësi. Shkaku i aksidentit nuk dihet ende dhe prokurorët italianë kanë nisur hetimet.