“Superautostradat”, narko-nëndetëset dhe aleancat ndërkombëtare të karteleve sinjalizojnë një lloj të ri krimi të organizuar, mjaftueshëm të fuqishëm për të pushtuar shtete, paralajmërojnë ekspertët. Bandat e egra të drogës në Amerikën Latine po evoluojnë me një ritëm të paparë, duke rrëmbyer territore dhe duke u infiltruar te qeveritë, për të lejuar dërgesa masive droge përtej Atlantikut. Tani, fuqia dhe ndikimi i tyre po rritet, veçanërisht ndërsa bashkojnë forcat me rrjetet kriminale të Evropës, thonë ekspertët. Në Meksikë, kartelet kontrollojnë një të tretën e vendit, të drejtuar nga 400 grupe të ndara, të armatosura deri në dhëmbë, që ekzekutojnë armiqtë pa mëshirë. Dhe vrasja e fundit e bosit barbar të kokainës, El Mencho shkaktoi një luftë të egër ndërsa perandoria e tij kriminale u kundërpërgjigj. Kreu i Kartelit Jalisco Neë Generation kishte një shpërblim prej 15 milionë dollarësh për kokën e tij në SHBA. Një pasardhës i ri, djali i adoptuar i bosit të vrarë, është i përgatitur për të marrë drejtimin e kartelit duke treguar se janë ende në pushtet. Në Meksikë, kartelet imponojnë shërbimet e tyre mbi civilët për të shtyrë përpara rolin e qeverisë në qytete të caktuara. Grupet e pamëshirshme kanë krijuar sistemet e tyre Ëi-Fi dhe kanë vendosur taksa shantazhuese për të fituar para, me banorët që janë të detyruar të zbatojnë urdhërat ose të përballen me ekzekutimin. Në të gjithë Amerikën Latine dhe Karaibe, kartelet e drogës tashmë kanë pushtet të pamasë. Kartelet funksionojnë gjithashtu si punëdhënës, duke përgatitur të rinjtë e varfër për luftrat e tyre brutale. Në Venezuelën fqinje, një rrjet i gjerë trafikimi kokaine drejtohej nga zyrtarët më të lartë, përfshirë Nicolas Maduron para se të kapej nga SHBA-të. Cartel de los Soles, ishte një rrjet i fuqishëm i elitave ushtarake, të inteligjencës dhe politike të Venezuelës të akuzuar për vendosje taksash, mbrojtje dhe lëvizje të kokainës duke përdorur burime shtetërore. Ekuadori po ashtu është në duart e bandave që përdorin kërcënime dhe shtrëngim për të korruptuar policinë, sistemin e drejtësisë dhe qeverisjen lokale. Ndërkohë, qindra grupe të armatosura kanë marrë kontrollin e sipërfaqeve të mëdha të Haitit, veçanërisht kryeqytetit të tij Port-o-Prince.