Presidenti i Shteteve të Bashkuara, Donald Trump, dhe presidenti rus, Vladimir Putin, zhvilluan një bisedë telefonike për situatën në Lindjen e Mesme. Lajmi u bë i ditur nga ndihmësi presidencial rus për çështjet ndërkombëtare, Yuri Ushakov, i cili u tha gazetarëve se telefonata mes dy liderëve ishte “profesionale, e sinqertë dhe konstruktive”, duke u përqendruar te konflikti Shba-Iran dhe pasojat e tij për sigurinë ndërkombëtare, por edhe për situatën Rusi-Ukrainë. Nga ana e tij, presidenti amerikan Donald Trump ka dhënë sinjale se konflikti po shkon drejt fundit. Në një intervistë për CBS Neës, ai deklaroi se lufta kundër Iranit është “praktikisht e përfunduar”, duke theksuar se sipas tij Teherani ka humbur kapacitetet kryesore ushtarake. “Mendoj se lufta pothuajse ka mbaruar. Irani nuk ka më marinë, nuk kanë komunikime me vende të rëndësishme të botës dhe as forcë ajrore për të na përballuar” I pyetur nëse kishte një mesazh për udhëheqësin e ri suprem të Iranit, Mojtaba Khamenei, Trump u përgjigj shkurt: “Nuk kam asnjë mesazh për të. Ai megjithatë, lëshoi edhe një paralajmërim të drejtpërdrejtë për Terheranin. “Unë mendoj se ata kanë qëlluar me gjithçka që kishin. Tani është koha për t’i dhënë fund. Duhet ta kuptojnë se çdo do tentativë sulmi e re do të sillte pasoja të rënda për vendin” Në të njëjtën intervistë, Trump deklaroi se administrata amerikane po shqyrton edhe mundësinë e marrjes së kontrollit të Ngushticës së Hormuzit, një pikë strategjike për qarkullimin e naftës në botë. Sipas tij, aktualisht anijet vazhdojnë të kalojnë në këtë korridor detar, por situata mbetet e brishtë.