Top News – ‘Shpërthen’ meningjiti në Kosovë / Ministria e Shëndetësisë lëshon alarmin, kujdes ujin

Ministria e Shëndetësisë e Kosovës u ka bërë thirrje qytetarëve të kenë kujdes të shtuar dhe kontroll të vazhdueshëm të ujit të pijshëm, për shkak të një rritje të rasteve me meningjit gjatë dy muajve të fundit. Në një komunikatë për shtyp të mërkurën, Ministria e shëndetësisë tha se, bazuar në raportin e Institutit Kombëtar të Shëndetësisë Publike, kërkohet kontroll i shtuar i ujit të pijshëm dhe atij në pishina për të parandaluar infeksionet e ndryshme. Sipas një raporti të Shërbimit Siptalor të Klinikës Universitare të Kosovës, numri i rasteve të raportuara për meningjit gjatë muajve korrik dhe gusht ka shënuar rritje, krahasuar me të njëjtën periudhë të vitit të kaluar.