Alpinistët dhe autoritetet në kampin bazë në everest, në nepal, kanë thënë për BBC se po shohin numra në rritje të alpinistëve me simptoma koronavirusi dhe rritje të numrit të testeve pozitive, cka edhe ka rritur frikën për një shpërthim serioz atje. Zyrtarët e kampit bazë thanë se kanë marrë raporte për 17 raste të konfirmuara ga spitalet në kryeqytetin Katmandu, ku një numër alpinistësh janë dërguar nga kampi bazë dhe kampet e tjera më të larta, për tu trajtuar. Dhe stafi në një spital privat në Kathmandu, konfirmuan për BBC se pacientët kishin rezultuar pozitivë pasi kishin ardhur nga kampi bazë në everest. Qeveria nepaleze deri më tani ka mohuar të ketë informacione për rastet pozitive në kampin bazë në everest, duke ngritur shqetësime se zyrtarët po minimizojnë rëndësinë e situatës për shkak të frikës se do të sjellë më shumë presion për të mbyllur malin për ekspeditat. Alpinistët e huaj janë një burim i rëndësishëm të ardhurash për qeverinë nepaleze që e mbylli everestin vitin e kaluar për shkak të pandemisë. Autoritetet tani detyrojnë alpinistët të qëndrojnë në karantinë në nepal para se të drejtohen për në kampin bazë, por ka shqetësime mes komunitetit të alpinistëve se një shpërthim serioz në mal do të ishte shkatërrimtar.