Pavarësisht kontrolleve të shtuara nga Policia Rrugore e kryeqytetit, jo vetëm në fundjavë, por çdo ditë, përsëri evidentohen shumë drejtues mjetesh të cilët vijojnë të shkelin rregullat dhe të abuzojnë me shpejtësinë, alkoolin duke rrezikuar jetën e tyre dhe të përdoruesve të tjerë të rrugës. Nga kontrollet gjatë mbrëmjes së djshme e deri ën orët e para të mëngjesit të sotëm janë evidentuar 10 drejtues mjetesh që qarkullonin me shpejtësi mbi normat e lejuara, shpejtësi që varionin nga 142 km/h deri 174 km/h. Gjithashtu policia ka kryer kontrolle me alkool test në të gjitha rrugët e krteqytetit. Si rezultat u është pezulluar patenta 11 drejtuesve të automjeteve të cilët drejtonin makinën nën efektin e alkoolit. Po kështu janë evidentuar dhe arrestuar në kushtet e flagrancës 2 drejtues mjetesh që drejtonin makinën në gjendje të dehur, në masën që varionte nga 0.55 mg/l deri në 0.68 mg/l.