Shpallen nominimet e Oskarëve/SHBA, përzgjedhje `të papritura` nga akademia Akademia e Arteve dhe Shkences në SHBA i ka lanë shumë hapësirë në përzgjedhjet e saj aktorëve britanikë, duke nisur me Sacha Baron-Cohen, Carey Mulligan, Olivia Colman, Daniel Kaluuya dhe Sir Anthony Hopkins. Akademia shpalli nominimet e cmimeve Oskar e mes tyre ka edhe angleze të tjere te njohur si Vanessa Kirby, Gary Oldman e Riz Ahmed. Emrat e tyre renditen krahas yjesh si njohur si Frances McDormand, Glenn Close, Viola Davis dhe i ndjeri Chadwick Boseman. Dy gra janë kandidate për cmimin e regjisorit më të mirë- hera e parë kjo në historinë 93 vjecare të cmimeve më prestigjoze të kinemasë që në këtë listë hyn më shumë se një grua. Ndërkohë, cmimi “Quo Vadis, Aida?”, film i regjisores nga Bosnje e Hercegovina, Jasmilla Zhbaniq, u nominua për Çmimin Oscar, në kategorinë për filmin më të mirë jashtë botës anglishtfolëse. Filmi flet për gjenocidin në Srebrenicë dhe është i pari me metrazh të gjatë që trajton këtë temë. Ngjarja zhvillohet në korrik të vitit 1995 dhe personazhi kryesor është Aida - një përkthyese për Kombet e Bashkuara - e cila përpiqet të shpëtojë familjen e saj, pasi ushtria e Republikës Sërpska merr kontrollin e Srebrenicës.Regjisorja e filmit, Zhbaniq, thotë se “Quo Vadis, Aida?” bazohet në fakte, te të cilat ajo ka arritur duke lexuar dëshmi dhe libra, duke parë video, si dhe duke biseduar me ekspertë dhe dëshmitarë.Çmimet Oscar do të ndahen në datën 25 prill.