36 shoferë janë vënë në pranga pas kontrolleve nga policia me dronë, radarë, kamera, aparate fotografike dhe makina të paloguara gjatë 48 orëve të fundit në vend, 12 prej tyre behet e ditur nga policia u arrestuan për drejtim mjeti në gjendje të dehur dhe 1 për falsifikim të certifikatës për errësimin e xhamave të automjetit. Sakaq mësohet se 6 shoferë gjithashtu janë arrestuar pasi tentuan të korruptojnë policët, për t’i shpëtuar masës administrative për shpejtësi tej normave të lejuara. Gjithashtu janë ndëshkuar 4134 shoferë për shkelje që janë rrezik potecial për përfshirje në aksidente rrugore, si parakalime e manovra të rrezikshme në rrugë, shpejtësi tej normave të lejura, përdorim të celularit gjatë drejtimit të mjetit, mosvendosje të rripit të sigurimit apo kaskës mbrojtëse, drejtim mjeti nën ndikimin e alkoolit apo pa leje drejtimi.