Top News-Shkelësit e Kodit Rrugor në lupën e policisë/Qindra patenta të pezulluara e mijëra gjoba

Policia Rrugore në të gjithë vendin ka intensifikuar kontrollet me qëllim evidentimin dhe ndëshkimin e shkelësve të Kodit Rrugor. Vetëm në Fier, policia rrugore ka arrestuar 9 drejtues mjetesh të cilët sipas burimeve zyrtare janë kapur pa leje drejtimi dhe në gjendje të dehur. Kontrollet janë përqëndruar kryesisht në drejtim të shkeljeve që janë burim aksidenti. Për këtë arsye, policia e Fierit ka gjobitur 2276 drejtues mjetesh për shkelje të ndryshme të Kodit Rrugor. 942 drejtues mjetesh janë gjobitur për tejkalim të normave të shpejtësisë, 165 të tjerë për përdorim të aparatit celular gjatë drejtimit të mjetit.