Komisioni i Posaçëm I Apelimit ka shkaruar nga detyra Donika Prelën, ish-drejtuese e Prokurorisë së Krimeve të Rënda. Shkarkimi i Prelës është bërë për shkak se ka shfaqur probleme me pasurinë. Trupa gjykuese e KPA-së ka vendosur se Prela nuk justifikon dot pasurinë, si dhe ka kryer deklarim të pasaktë. Në përfundim të hetimeve, pas ankimimit të Komisionerit publik KPA konstatoi se për një apartament në Durrës dhe një në Tiranë, ka mungesë të justifikimit të burimit financiar. Po kështu KPA është shprehur se prokurorja ka probleme me burimin financiar për një hua prej 25 mijë euro. Në seancën e dhënies së vendimit Donika Prela nuk ishte e pranishme, madje as avokati i saj. Donika Prela u konfirmua në detyrë në muajin shkurt, nga Komisioni i Pavarur i Kualifikimit. Nga verifikimet e kryera nga KPK-ja, nuk kishte rezultuar asnjë parregullsi në deklarimin e pasurisë, por Komisioneri Publik e ankimoi vendimin në shkallën e dytë të vettingut, KPA.