Gjykata e Dibrës ka vendosur të pranojë kërkesën e Prokurorisë dhe të çojë për gjykim 4 të pandehurit e dosjes 184. Trupa e togave të zeza vendosi që 4 të akuzuarit Nuri Meda, Drini Gjeci, Robert Aga dhe Hasan Hoti të kalojnë për gjykim. Dosja 184, e dërguar në Gjykatën e Dibrës, nga nëntë persona të hetuar, mes të cilëve ish-zyrtarë të lartë dhe biznesmenë, në përfundimi të hetimor rezulton me vetëm 4 të pandehur. cështja hetimore për shitblerjen e votave të dibër ka pasur një kalvar të gjatë që nga nisja e hetimit disa vjet më parë. për shkak të çështjes së kompetencave dosja hetimore u transferua disa herë nga Prokuroria e Dibrës në Prokurorinë për Krimet e Rënda dhe anasjellas, derisa SPAK e dërgoi atë përfundimisht në Dibër. Zvarritja e hetimit u justifikua herë pas here me numrin e madh të CD-ve të përgjimeve që duheshin transkriptuar. Në dosjen e dërguar në gjykatë për zgjedhjet në Dibër, një nga të pandehurit është ish-shefi i Komisariatit të Policisë, Robert Aga. Ky i fundit akuzohet për “shpërdorim të detyrës”, pasi dyshohet se ka vënë punonjës të policisë në shërbim të kandidatit të majtë. I pandehur tjetër i dosjes 184 është Nuri Mjeda, ish-administrator i njësisë administrative Tomin. Sipas prokurorisë, Mjeda ka “shpërdoruar detyrën”, duke përjashtuar nga ndihma ekonomike 39 familje, për shkak të përkatësisë së tyre partiake. I pandehuri Hasan Hoti, ish-administratori i Lurës, akuzohet për “kanosje apo dhunim ndaj pjesëmarrësve”, pasi dyshohet se ka kërcënuar disa votues të votonin për kandidatin e Aleancës për Shqipërinë Europiane. Ndërsa i pandehuri i katërt, Drini Gjeci, ish-Drejtori Arsimor i Dibrës, do të përballet me akuzën e “shpërdorimit të detyrës” dhe “kanosjes apo dhunimi ndaj pjesëmarrësve”. Sipas prokurorisë, ai ka kanosur me shkarkim nga puna mësuesit në varësi që të votonin pro kandidatit të së majtës.