Numrat e rasteve të reja të infektuar me covid 19 në vendin tonë kanë pësuar një rritje të frikshme. Gjatë 24 orëve të fundit janë shënuar 1 mijë e 79 raste, nga 6 mijë e 732 testime të kryera. Tirana ndërkohë vijon të mbetet qarku më I rrezikuar, ku vetëm në 24 orë janë regjistruar 384 raste të reja. E ndjekur më pas nga Shkodra, Durrësi e me radhë. Ndërkohë edhe numri i viktimave është rritur, kun ë 24 orë janë shënuar 5 viktima, duke e cuar numrin total të të vdekurve për shkak të koronvirusit në 2 mijë e 528 që prej fillimit të pandemisë. Ministria e Shëndetësisë bëri me dije se viktimat janë dy qytetarë nga Tirana të moshave 61-68 vjeç, dy qytetarë nga Elbasani të moshave 56-76 vjeç dhe një qytetar 77 vjeç nga Shkodra. Po gjatë kësaj fashe orare, janë shëruar 804 qytetarë, duke e çuar numrin e përgjithshëm të të shëruarve në 138 mijë e 391 që nga fillimi i epidemisë. Aktualisht në Spitalet covid po marrin trajtim mjëksorë 152 pacientë, nga të cilët 18 janë në gjendje më të rënduar. Ndëkrohë, në të gjithë vendin 12 mijë e 399 qytetarë janë aktivë me covid19.