Sherri për një vendparkimi ka përfunduar me plagosjen e dy personave, nënë e bir në Durrës. Ngjarja ndodhi në lagjen 12 të qytetit, vetëm disa minuta pasi kishte hyrë në fuqi ora policore. Fillimisht 30 vjecari Zyber Juba është zënë me sende të forta me të riun Flamur Çerma. Por paskësaj ka nxjerrë armën duke plagosur në këmbë 23 vjecarin dhe nënën e tij, e cila ndodhej aty në momentin e konfliktit. Si gruaja, ashtu dhe djali ndodhen në spital, nën kujdesin e mjekëve dhe jashtë rrezikut për jetën. Autori i dyshuar u shoqerua menjëherë në ambientet e Policisë Durrës për veprime të mëtejshme. Grupi hetimor ndodhet në vendngjarje dhe po punon për zbardhjen e plotë të rrethanavë të ngjarjes që nisi si një sherr banal. Mësohet se palët kanë qenë duke nxituar të parkonin makinat e tyre duke respektuar keshtu ndalimin e qarkullimit.