Një ngjarje e rëndë është shënuar në fshatin Fierseman në Divjakë, ku dyshohet se pas një mosmarrëveshje për pronat, një shtetas ka qëlluar me armë vëllanë e tij. Pas ngjarjes, policia e Divjakës ka arrestuar në flagrancë 50-vjeccarin për akuzat e "Kanosjes", "Dhunës në familje" dhe "Shkatërrimit të pronës". Ndërsa vëllai tjetër është në arrati. Po ashtu është nisur një procedim penal në gjendje të lirë për veprën penale "Dëmtime të tjera me dashje" për një shtetas tjetër, shok i njërit prej vëllezërve. Mësohet se dy vëllezërit u konfliktuan fillimisht me grushte, por më pas sherri përshkallëzoi deri në përdorimin e armës. Ku fatmirësisht nuk pati të lënduar, por vetëm dëme materiale tek makina e njërit prej tyre. Hetimet vijojnë për sqarimin e detajeve dhe zbardhjen e plotë të ngjarjes.