Forcat speciale amerikane kanë kryer një operacion anti terror në sirinë veri perëndimore, të kontrolluar nga opozita, në sirinë veri perëndimore, pranë kufirit turk. Një zëdhënës i pentagonit tha se misioni ishte i suksesshëm dhe nuk kishte patur asnjë të lënduar mes trupave amerikane, por nuk dha më shumë detaje. Shërbimi i shpëtimit, helmetat e bardha, raportoi se të paktën 13 persona, mes të cilëve gjashtë fëmijë dhe katër gra, ishin vrarë në sulmin në qytetin Atmeh. Në zonë besohet se janë vendosur xhihadistë të huaj të lidhur me al Kaedën. Banorët në Atmeh thanë se disa helikopterë u ulën atje rreth mesnatës dhe se ata kishin dëgjuar të shtëna me armë zjarri dhe shpërthime për afro dy orë. Fotot e postuara në mediat sociale më pas, tregonin ndërtesat e shkatërruara. Vëzhguesi sirian për të drejtat e njeriut, një grup monitorues me bazë në Britaninë e madhe, tha se operacioni amerikan ishte më i madhi në sirinë veri perëndimore që kur lideri i shtetit sialmik, Abu Bakr al Baghdati u vra në një operacion të forcave speciale në tetor të 2019-ës.