Marina amerikane ka njoftuar më 23 janar se ka kapur një anije në Gjirin e Omanit. Anija e ndaluar transportonte një lëndë, që përdoret për të krijuar eksplozivë. Anija ishte duke lundruar nga Irani përmes një rruge që më herët është përdorur për të dërguar armë kontrabandë për rebelët Huthi në Jemen. Marina tha më 23 janar se e ka kontrolluar anijen, që vitin e kaluar u kap duke mbajtu mijëra armë, dhe më pas ia ka dorëzuar rojeve bregdetare të Jemenit.