Luftanijet e trupave elitë të Iranit, Rojat Revolucionare islamike, i janë afruar në mënyrë agresive dy anijeve amerikane në ujërat e gjirit, më herët këtë muaj, tha marina amerikane, incidenti i parë i tensionuar i këtij viti. Flota e pestë e marinës amerikane tha se një anije iraniane, Harth 55, një anije tip katamarani, bashkë me tre luftanije të shpejta, iu afruan dy anijeve të rojës bregdetare amerikane që po kryenin patrullime rutinë kontrolli, më 2 prill. “Hardh 55 ngacmoi disa herë anijet amerikane, duke iu afruar në një distancë shumë të afërt, të panevojshme, përfshirë ndërhyrjen në trajektoren e anijeve amerikane, ërangell dhe monomoy, në një distancë prej vetëm 64 metrash”, thuhet në deklaratën e marinës. “Harth 55, në mënyrë agresive iu afrua Ërangell, duke detyruar këtë të fundit të bënte manovra për të evituar përplasjen pavarësisht paralajmërimeve të shumta”. Pamjet e marinës amerikane treguan një anije iraniane që i kalonte direkt përballë anijes amerikane, që papritur lëviz për të evituar përplasjen. Marina amerikane tha se anijet iraniane u larguan pas afro tre orësh në zonë, cka marina amerikane e konsideroi të pasigurt dhe jo profesionale.