Prej një jave vijon procesi i regjistrimit të popullsisë në Kosovë, ku sfida më e madhe mbeten katër komunat në veri. Pas thirrjes së Listës Serbe për të bojkotuar procesin, regjistruesit serbë u tërhoqën. Drejtori i Agjencisë së Statistikave në Kosovë, Avni Kastrati në një intervistë për KosovaPress bëri thirrje që qytetarët në veri të Kosovës të bashkëpunojnë me regjistruesit për të plotësuar pyetësorin, në të kundërt do të aplikohen gjoba, sikurse parashikon ligji.