Një tjetër operacion masiv anti drogë u zhvllua në Velipojë të Shkodrës, për pasojë një person u vendos në panga dhe një tjetër u shpall në kërkim. Policia e Shkodrës gjeti dhe asgjësoi 2 mijë e 150 fidanë në kubikë, gati për t’u kultivuar në tokë. Fidanët u gjetën në dy fshatra të ndryshme, por të kultivuara nga të njëjtit persona. Konkreisht, në territorin e fshatit Luarzë, shërbimet e Policisë gjetën 1900 fidanë të dyshuar narkotikë cannabis sativa, në kubikë, pjesa më e madhe e tyre e mbuluar me plastmas. Gjatë kontrollit në anë të lumit Buna, në territorin e fshatit Reç i vjetër, Policia gjeti 250 fidanë të dyshuar narkotikë të kultivuar në kubikë. Një pjesë e fidanëve u sekuestrua në cilësinë e provës materiale, ndërsa pjesa tjetër u asgjësua me anë të djegies.