“Normalizimi i marrëdhënieve me Serbinë nuk mund të ndodhë pa përmbushjen e obligimeve nga ana e Beogradit”, ka deklaruar kryeministri në detyrë I Kosovës, Albin Kurti. I pyetur lidhur me zotimin e presidentit amerikan Donald Trump për t’u riangazhuar në dialogun Kosovë–Serbi dhe për të shtyrë përpara procesin e normalizimit, kreu i qeverisë tha Serbia po shkel marrëveshjen bazike. Ai u shpreh se hapi I parë drejt normalizimit është dorëzimi i Millan Rajdoiçiqit, të cilin e ka cilësuar si përgjegjës për vrasjen e rreshterit të Policisë së Kosovës, Afrim Bunjaku, në sulmin në Banjskë. “Më pastaj të pranojnë të nënshkruajnë marrëveshjen bazike me aneksin e zbatimit dhe njëkohësisht ta tërheqin letrën nga dhjetori i vitit 2023, kur ish-kryeministrja Bërnabiq pati thënë që nuk respekton integritetin territorial të Kosovës”, u shpreh Kurti. Ai shtoi se beson në mundësinë e normalizimit, por se trysnia duhet të jetë mbi Beogradin. “Unë besoj që normalizimi është i mundur, trysnia duhet të jetë mbi Beogradin, dhe gjithmonë e mirëpresim rolin e SHBA-së, të cilët paraqesin aleatin tonë kryesor, partnerin e pazëvendësueshëm dhe mikun special në tri fusha kryesore: e para mbrojtja, e dyta është diplomacia dhe e treta është zhvillimi”, tha Kurti.