Në seancën e radhës në gjykatën speciale në Hagë, ka folur dëshmitarja e 17-të kundër ish presidentit Hashim Thaci dhe të akuzuarve të tjerë. Ajo është Dragica Bozhaniq dhe dëshmoi pa masa mbrojtëse në seancë publike. Dëshmitarja u ndal në periudhën e korrikut 1998, në komunën e Rahovecit dhe tha se UCK kishte sulmuar familjen e saj dhe banorët përreth, duke i dëbuar ata nga shtëpitë e tyre. Sipas saj, burrat ishin ndaluar dhe që nga ajo kohë, ajo nuk di më asgjë për djalin dhe bashkëshortin e vet. Por, pas pyetjeve të avokatit të Thacit, Gregory Kehoe, dëshmitarja pranoi edhe se civilët serbë ishin të armatosur nga serbia para sulmit të pjesëtarëve të UCK-së. A është fakt që burrat e fshatit tuaj kishin marrë armë nga serbia? – e pyeti ai, dhe dëshmitarja u përgjigj: Po. Armët janë shpërndarë për burrat.