Përveç koronavirurisit, prej disa javësh në vendin tonë është përhapur edhe një sëmundje tjetër, e cila prek duart, këmbët dhE gojën. Këtë të hënë, Tritan Kalo, mjeku I njohur në spitalin e infektivit, përmes një postimi në Facebook, shkruan se kjo sëmundje është përhapur në mbarë vendin dhe prek kryesisht fëmijët, por edhe të rriturit. Kalo shkruan se shpesh kjo sëmundje i paraprin dëmtimeve në thonj, ndërsa jep edhe disa këshilla të vlefshme për të gjithë qytetarët. “Sëmundjet ekzantematike janë jo të rralla në këtë stinë të vitit…U bënë disa javë që Sëmundja Duar-Këmbë-Gojë ka prekur shumë individë në mbarë vendin, kryesisht fëmijët por të mos harojmë se SDKG është një sëmundje, e cila prek edhe të rriturit. “ Sipas kalos, sëmundja përhapet nga kontaktet direkte me personin e sëmurë, ndaj këshillon që të tregohet kujdes. Mjeku gjithashtu thekson se personat e infektuar janë përhapës të tij në tre ditët e para të sëmundjes, por edhe gjatë gjithë javës së parë të shfaqjes së saj. “Transmetohet vetëm midis njerëzve. PAS kalimit të sëmundjes virusi mundet të jetë i pranishëm në rrugët e sipërme të frymëmarjes edhe për tre javë, si edhe në tubin tretës për dy deri në tetë javë” Kalo shton se sëmundja përgjithsisht zgjat nga 7 deri në 10 ditë. Sipas tij ende nuk ka ndonjë mjekim specifik ose vaksinë për parandalimin e saj.