Këshilli I lartë Gjyqësor ka nisur shqyrtimin e kërkesës për masë displinore të gjyqtares së Krujës Enkeleida Hoxha, e arrestuar nga SPAK një muaj më pare. Ajo akuzohet se me një skemë të ngritur së bashku me disa funksionarë të tjerë në këtë gjykatë ulnin dënime dhe lironin të burgosurit për krime të rënda, siç jkanë raste e Hekuran Billës, Indrit Dokles e tij. Artur Metani, kreu i Inspektoratit të Lartë të Drejtësisë ka qenë i ashpër dhe i prerë në qëndrimin e tij duke kërkuar shkarkimin e menjëhershëm të saj nga detyra. Sipas Metanit pas shqyrtimit të akteve dhe dokumentacionit rezulton se nga ana e magjistrates Enkeleida Hoxha janë ndërmarrë veprime/mosveprime të cilat kanë të bëjmë me mosrespektim të rëndë dhe të vazhduar të legjislacionit material dhe procedural penal. “Nga ana e magjistrates Enkeleida Hoxha, nuk janë marrë prova vendimtare për zgjidhjen e çështjes duke cënuar parimin e paanësisë së gjykimit. Magjistratja Enkeleida Hoxha i ka atribuuar dhënien e cilësive të ndryshme, herë si i paraburgosur dhe herë si i dënuar, gjatë periudhave të njëjta në funksion të pranimit të çdo kërkese të paraqitur nga ana e të njëjtit kërkues; është aplikuar ulja e njëkohshme e dënimit për periudha më të gjata se 12 muaj; nuk janë respektuar kriteret ndaluese për përfitim amnistie. Në 5 procese gjyqësore është konstatuar një mungesë thelbësore në arsyetimin e vendimeve gjyqësore arrihet në konkluzionin se veprimet/mosveprimet e ndërmarra nga ana e magjistrates Enkeleida Hoxha janë aq serioze sa kanë cenuar vlerat themelore të saj; besimin që magjistrati duhet të përcjellë te publiku në përmbushjen e misionit dhe rolit të tij në dhënien e drejtësisë; kanë diskretituar rëndë figurën dhe pozitën e gjyqtarit dhe kanë ulur dinjitetin e organit që përfaqëson duke e bërë atë të pa denjë për vazhdimin e ushtrimit të funksionit të magjistratit”, thuhet në konkluziionet e paraqitura para ILD nga kreu i saj Metani.