Presidenti Joe Biden është mirë, pasi u pengua dhe ra gjatë një eventi në Kolorado – konfirmuan zyrtarët e shtëpisë së Bardhë. Ai u pengua mbi një thes me rërë ndërsa po dorëzonte diplomat në një ceremoni diplomimi të akademisë së forcave ajrore amerikane. Biden, që është edhe presidenti në detyrë më i moshuar në historinë e vendit, aktualisht 80 vjec, u ndihmua të ngrihej në këmbë dhe u duk i padëmtuar pas incidentit. Ai madje bëri edhe shaka me gazetarët kur u kthye në shtëpinë e bardhë, në mbrëmje. Biden qëndroi për rreth një orë e gjysmë duke shtrënguar duart me secilin prej 921 kadetëve të diplomuar. Pamjet treguan më pas Bidenin që u shfaq më pas të pengohej ndërsa një zyrtar i forcës ajrore dhe dy pjesëtarë të shërbimit sekret e ndihmuan atë. Ai u pa të kthehej në vendin e tij, pa ndihmë, dhe më pas iu drejtua në këmbë makinës kur ceremonia përfundoi.