Ervin Salianji, ish-deputeti i Partisë Demokratike, me dënimin e formës së prerë nga Gjykata e Apelit me një vit heqje lirie, humbi mundësinë të garojë jo vetëm në zgjedhjet e ardhshme, ato lokale, por edhe në zgjedhjet e ardhme parlamentare, që mbahen pas 4 vitesh. Kjo për shkak të të parashikimit nga ligji i dekriminalizimit që e ndalon atë për 5 vite të zgjidhet në detyra publike si ajo e deputetit. Por përballë kësaj kostoje politike, që ErvinSalianji e mban i vetëm, edhe pse në krah të tij kur do të denonconte rastin Babale do të ishte edhe ish-kryedemokratiLulzimBasha apo edhe Gazment Bardhi, si Sekretari i Përgjithshëm i PD-së në atë kohë, Salianji nuk ka asnjë pengesë për të mbajtur poste politike, brenda subjektit ku ai aderon. Përballë paralajmërimeve për analizë paszgjedhore duke nisur nga shtatori brenda PD, është edhe ErvinSalianji. Vetë Berisha ka vlerësuar figurën dhe kontributin e tij në PD, e përballë ndryshimeve që pritet të bëhen në Kryesinë e PD, është edhe vetë Salianji. Ky i fundit, i cilësuar si i dënuar politikisht nga PD por edhe aleatët e saj, si dhe disa rezoluta ndërkombëtare, pret ‘shpërblimin’ nga forca e tij politike. Ndonëse nuk ka asnjë pretendim nga Salianji për post brenda Partisë Demokratike, ai me të fituar lirinë me kusht, është shprehur se do të vijojë të japë kontributin e tij në PD, edhe pse i kufizuar nga ligji për të kandiduar në zgjedhje.